Аҧсны ажурналистцәа Реидгыла Гәдауҭатәи араионтә газеҭ “Бзыҧ” аредактор ихаҭыҧуаҩ Руслан Анқәаб идырныҳәалоит 70 шықәса ихыҵра аиубилеи.
Руслан Анқәаб 1977 шықәса рзы далгеит Аҟәатәи арҵаҩратә институт. Уи данҭаз аамҭазы аус иухьан Гәдауҭа араион ақыҭатә школқәа рҟны аҧсуа бызшәеи алитературеи рырҵаҩыс.
1978 шықәса рзы аусура далагеит агазеҭ “Бзыҧ” аредакциаҿы еиҭагаҩыс. Анаюс, 1981 шықәса рзы диасуеит корреспондентс. 1985 шықәса инаркны 1992 шықәсанӡа аус иуан аредакциа ашәҟәқәа рықәша аиҳабыс. 1992 шықәса инаркны иахьа уажәыраанӡа агазеҭ аҭакзыҧхықәу амаӡаныҟәгаҩыс дыҟоуп.
Р.Анқәаб Аҧсны ажурналистцәеи Урыстәылатәи ажурналистцәеи Реидгылақәа дрылахәлоуп. Аҧсны жәлар Рџьынџьтәылатә еибашьра аан уи арратә корреспондентс дыҟан.
2013 шықәса рзы Аҧсны Аҳәынҭқарра Ахада иусҧҟала Руслан Анқәаб ихҵан Аҧсны зҽаҧсазтәыз ажурналист ҳәа ахьӡ ҳаракы.
Аҧсны ажурналистцәа Реидгыла Руслан Анқәаб изеиӷьаршьоит агәабзиара, аманшәалара, арҿиаратә еихьӡара ҿыцқәа!
Руслан Х,ашыг,
Аҧсны ажурналистцәа
Реидгыла ахантәаҩы